İstanbulun sabiq bələdiyyə sədri Əkrəm İmamoğlu barəsində həbs qərarı çıxarılıb.
Medialive Türkiyə mediasına istinadən xəbər verir ki, o, 2019-cu il seçkiləri ilə bağlı casusluqda ittiham olunub.
İstanbul Baş Prokurorluğu oktyabrın 24-də İmamoğlu və bir neçə digər məmura qarşı casusluqda şübhəli bilinərək cinayət işi açıb. Onların 2019-cu ildə keçirilən mer seçkiləri zamanı 4,7 milyon seçicinin məxfi məlumatlarının xarici kəşfiyyat xidmətlərinə ötürülməsinə səbəb olması ilə bağlı şübhələr var.
CHP lideri Özgür Özel məhkəmənin qərarını konstitusiya pozuntusu və onun fikrincə, İmamoğlunun prezident seçkilərində iştirakının qarşısını almaq cəhdi adlandırıb.
Qeyd edək ki, martın 23-də həbs edilən İmamoğlu korrupsiya ittihamı ilə İstanbulun Silivri səmtindəki həbsxanadadır.
İkinci ittiham aktı ilə bağlı aparılan istintaq çərçivəsində onun həbsi ilə bağlı prokurorun vəsatəti rədd edilib.
Xatırladaq ki, iyulda məhkəmə siyasətçiyə baş prokuror Akın Gürlek və ailəsini hədələdiyi üçün 1 il 8 ay həbs cəzası verib.
Bundan başqa, İmamoğlu 2022-ci ilin dekabrında Mərkəzi Seçki Komissiyasının (MSK) nümayəndələrini təhqir etdiyinə görə 2 il 7,5 ay müddətinə azadlıqdan məhrum edilib və siyasi fəaliyyətlə məşğul olmaq hüququndan məhrum edilib.
