ABŞ Prezidenti Donald Trampın əmri ilə saxlanılaraq həbs edilən Venesuela Prezidenti Nikolas Maduro Bruklin Metropoliten Təcridxanasında saxlanılır.
Medialive Qərb mediasına istinadən xəbər verir ki, dəhşətli şəraitinə görə tez-tez xəbərlərdə yer alan həbsxananı Maduro ilə paylaşanların adları maraq mövzusuna çevrilib.
Maduronun dünyanın səkkizinci ən böyük şirkəti olan United Healthcare-in baş direktorunu qətlə yetirən Luigi Mangione ilə eyni həbsxanada qalır.
Maduronun həbsxanada üzləşəcəyi şərtlərin onun dəbdəbəli prezidentliyindən daha sərt olacağı qeyd edilir.
Ceffri Epşteynin əməkdaşı kimi mühakimə olunan və məhkum edilən Ghislaine Maxwell əvvəllər bu müəssisədə saxlanılıb. Musiqi dünyasının digər mübahisəli fiquru olan Şon “Diddi” Kombs da bir müddət burada həbsdə olub. Lakin Kombs daha sonra Nyu-Cersi ştatındakı Fort Diks müəssisəsinə köçürülüb.
Qeyd edək ki, 2022-ci ildə buraya gətirilənlər arasında keçmiş Honduras Prezidenti Xuan Orlando Hernandez də var. 45 il həbs cəzasına məhkum edilən Hernandezin ötən ay prezident Donald Tramp tərəfindən əfv edildiyi bildirilir.
1300 məhbusun saxlandığı bildirilən sözügedən həbsxana təhlükəli və antisanitar şəraitinə görə uzun müddətdir tənqid mərkəzi olub. Bəzi hakimlərin bu səbəblərdən təqsirləndirilən şəxsləri orada saxlamaqdan imtina etdiyi və bunun əvəzinə ev dustaqlığına üstünlük verdiyi bildirilir.
Maduro bu həbsxanada tək kameraya salınıb. Onun daha kiçik və təhlükəsiz kameraya yerləşdiriləcəyi deyilib. Onun məhkəməsinin bir ildən çox davam edəcəyi gözlənilir.
