“Azərbaycan və Fransa arasındakı münasibətlər 90-cı ilin əvvəllərindən Ulu Öndər Heydər Əliyevin uğurlu siyasəti nəticəsində yüksək səviyyədə inkişaf edirdi və bu münasibətlər qarşılıqlı, faydalı əməkdaşlığa çevrilmişdi. Biz bilirik ki, Fransanın qatı ermənipərəst mövqeyi olub, orada erməni diasporunun, yaşayan ermənilərin Fransa siyasətinə çox ciddi təsirləri olub. Həm hökumətdə, həm parlamentdə zaman-zaman belə məsələlər baş qaldırdıqca, dövlət bu məsələdə neytrallığını qoruyub saxlanmağa çalışıb. Azərbaycanın uğurlu xarici siyasəti ilə bu məsələlər daha da normal məcraya çıxıb”.
Bu fikirləri Medialive-yə açıqlamasında Milli Məclisin deputatı Vüqar İskəndərov deyib.
O bildirib ki, Makronun hakimiyyətə gəlişindən sonra Fransa öz vektorunu Ermənistan tərəfə keçirərək selektiv-konkret siyasət həyata keçirməyə başladı:
“Təəssüflər olsun ki, Makronun hakimiyyəti dövründə bunları söyləyə bilmirik. Makronun hakimiyyətə gəlişindən sonra Fransa öz vektorunu konkret olaraq dəyişərək, sırf Ermənistan tərəfdən selektiv-konkret yanaşmayla siyasət həyata keçirməyə başladı. Fransa parlamentinin iki qolu da bədnam qanunlar qəbul etdi və zaman ötdükcə, əsasən də Azərbaycanın 44 günlük Vətən Müharibəsində qələbəsindən, suverenliyini tam bərpa etməsindən sonra bu münasibətlər ən kəskin formasını aldı. Fransa açıq-aşkar Azərbaycan əleyhinə beynəlxalq təbliğat aparmağa başladı”.
Deputat qeyd edib ki, Azərbaycanın artan gücü Fransanı artıq getdiyi səhv yoldan döndərməyə məcbur etdi:
“Təbii ki, Fransa İlham Əliyev faktorunu nəzər almamışdı, Bu məsələdə İlham Əliyev Azərbaycan Prezidenti kimi, həm də beynəlxalq aktor kimi, nüfuz lideri kimi Fransanın qarşısına sipər çəkdi. Fransanın bütün beynəlxalq səylərini sıfıra indirdi, onun Cənubi Qafqaza soxulmaq cəhdlərinin qarşısına aldı və yerini göstərdi. Fransanın həm nekanizm siyasəti, həm bölgədə oynamaq istədiyi mənfi rol dünya ictimaiyyətinə olduğu kimi çatdırıldı. Azərbaycan tərəfi Fransaya bir neçə dəfə mesajlar göndərdi ki, Azərbaycanla münasibətlərdə belə siyasət keçməz, doğru və düzgün, uğurlu, rasional siyasətə keçilməyə ehtiyac var. Son zamanda Azərbaycanın artan gücü, cənab Prezidentin yalnız bölgədə yox, beynəlxalq arenada, qlobal liderlər sırasındakı möhkəmlənmiş rolu, mövqeyi, Azərbaycanın artan gücü Fransanı da artıq həmin o getdiyi səhv yoldan döndərməyə məcbur etdi”.
Parlamentari əlavə edib ki, Makron Azərbaycanın gücünü gördü və anladı ki, ən doğru seçim ölkəmizdir:
“Artıq Makron cənab İlham Əliyevin beynəlxalq tədbirlərdəki nüfuzunu, onunla görüşmək istəyən liderlərin sayını gördü, Cənab Prezidentin uğurlu siyasətini necə işlətdiyini gördü, Azərbaycanın gücünü gördü və anladı ki, ən doğru, düzgün yol Azərbaycanla bərabərhüquqlu, faydalı əməkdaşlıq etməklə uğur qazanmaq olar və son zamanlarda artıq Makronun cənab Prezidentə yaxınlaşması, referansal etməsi, onunla görüşməsi, onu qucaqlaması, onunla olan danışıqlardakı Fransanın artıq mövqeyini əks etdirməsi də işlərimizə bariz nümunədir.
Fransa artıq reallığı anlamağa başlayıb ki, Cənubi Qafqaznın lideri Azərbaycandır, Ermənistana dəstək verməklə heç bir uğur qazana bilməyəcək. Həm ticari-iqtisadi, həm siyasi, həm hərbi sahələrdə Azərbaycanla faydalı əməkdaşlıq yaratmaqla bir uğur qazanmaq olar. Düşünürük ki, son zamanlardakı Fransa dövlətinin Azərbaycana olan münasibətindəki bu çalarlar onu deməyə əsas verir ki, artıq Makron reallığı anlayır və Azərbaycanla münasibətlərini düzəltmək üçün çalışır”.
Mikayıl Mirzəzadə
