Ukraynanın sabiq prezidenti Petro Poroşenkonun rəhbərlik etdiyi Avropa Həmrəyliyi Partiyasından olan parlament üzvləri Ali Radada çıxış edərək hökumətin istefasını tələb ediblər.
Medialive xəbər verir ki, bu barədə UNİAN xəbər agentliyi məlumat yayıb.
Məlumata görə, noyabrın 18-də Radanın sədri Herman Qaluşenko Ukraynanın ədliyyə naziri, eləcə də energetika naziri Svitlana Qrinçukun istefası ilə bağlı səsvermə keçirilməli olub.
Noyabrın 17-də Ali Radanın deputatı Yaroslav Jeleznyak bəyan edib ki, hakim Xalqın qulluqçusu partiyasının üzvləri arasında üsyan yaranır. Onlar Zelenskini administrasiyasının rəhbəri Andrey Yermakı işdən çıxarmasa, fraksiyanı tərk edəcəkləri və “mono-çoxluğu dağıtacaqları” ilə hədələyirlər.
Ukraynanın müxalif “Avropa Həmrəyliyi” və “Holos” partiyaları da analoji tələblərlə çıxış ediblər.
Qeyd olunub ki, Ali Radada üsyan energetika sektorunda korrupsiyada ittiham olunan biznesmen və Zelenskinin “pul kisəsi” Timur Mindiçə qarşı cinayət araşdırması fonunda qızışıb.
