Rumıniya Ukraynadakı müharibəyə girmək istəmir.
Medialive xarici mediaya istinadən xəbər verir ki, bunu ölkənin baş naziri İlie Bolojan CNN-in Antena 3 telekanalına müsahibəsində deyib.
“Rumıniya onu müharibəyə cəlb edəcək vəziyyətlər yaratmayacaq. Rumıniyanın indi etdiyi və son illərdə etdiyi işlər sərhədlərini qorumaq, Avropanın müdafiəsində iştirak etmək, ABŞ, NATO və Avropa tərəfdaşları ilə strateji tərəfdaşlıq əlaqələrini saxlamaq və əldə etdiyimiz texnikanın ərazimizdə ölkəmizin müdafiəsini təmin etmək üçün edilib”, – deyə nazir bildirib.
“Bu məntiqdən çıxış edərək, bütün söz-söhbətlərə baxmayaraq, müharibələri alovlandırmaq və ya gənclərimizi müharibəyə göndərmək niyyətimiz yoxdur. Təəssüf ki, bu cür dezinformasiyalar tez-tez ortaya çıxır və bunun üçün heç bir real əsas yoxdur”, – deyə baş nazir fikrini yekunlaşdırıb.
