21 gün həbsdə olan Fransanın sabiq prezidenti Nikola Sarkozi “Məhkumun gündəliyi” kitabında Fransa lideri Emmanuel Makronun onu daha təhlükəsiz həbsxanaya köçürmək təklifindən imtina edib.
Medialive xəbər verir ki, bu barədə “Politico” nəşri məlumat yayıb.
Nəşr keçmiş prezidentin Makronla görüşünü təsvir edən “Bir məhbusun gündəliyi” kitabından sitat gətirib:
“Ona deyəcək heç nəyim yox idi və mehriban söhbətə də həvəsim yox idi”.
Kitabda qeyd olunub ki, Sarkozi Fransa liderinin onu daha təhlükəsiz hesab edilən həbsxanaya köçürmək təklifindən, həmçinin kamerasının qarşısında növbətçinin olmasından başqa hər hansı digər imtiyazlardan imtina edib.
Qeyd edək ki, 2007-2012-ci illərdə prezident olan 70 yaşlı sabiq Fransa prezidenti sentyabrın 25-də Liviyanın seçki kampaniyasının maliyyələşdirilməsi işində cinayətkar qruplaşmada iştirakda təqsirli bilinib, lakin dövlət vəsaitlərinin mənimsənilməsini gizlətmək və passiv korrupsiya ittihamlarından bəraət alıb.
Onu da qeyd edək ki, noyabrın 10-da Paris Apellyasiya Məhkəməsi Sarkozinin vəkillərinin onun barəsində seçilmiş həbs-qətimkan tədbirinin ləğvi və məhkəmə nəzarəti altına alınması ilə bağlı vəsatətini təmin edib.
