Sinqapur hökuməti onlayn fırıldaqların kəskin artması ilə mübarizə aparmaq üçün fiziki cəzaya müraciət etmək qərarına gəlib.
Medialive xəbər verir ki, bu barədə The Washington Post (WP) yazıb.
Sinqapur parlamenti cinayət qanununa düzəlişlər edərək kibercinayətkarlar üçün cəza kimi dayaq çəkməyi tətbiq edib. Təkcə ilin birinci yarısında on minlərlə belə hal qeydə alınıb və onlara dəyən ziyan 385 milyon dollar təşkil edib.
Onlayn fırıldaqçılıqda təqsirli bilinənlər ən azı altı şallaq zərbəsi ilə cəzalandırılacaqlar. Sinqapur mətbuatının yazdığına görə, cəza 24 şallaq zərbəsinə qədər artırıla bilər.
Məcburi tibbi müayinədən sonra cəza üçün adətən 60 ilə 120 sm uzunluğunda və 4 ilə 13 mm qalınlığında, rattan və ya bambukdan hazırlanmış çevik çubuqlar istifadə olunur. Bu cəza 50 yaşdan yuxarı qızlara, qadınlara və kişilərə şamil edilməyəcək.
