Tesla səhmdarları baş icraçı direktor İlon Mask üçün 10 il ərzində 1 trilyon dollara qədər təzminat təmin edən yeni kompensasiya paketini təsdiqləyiblər.
Medialive xarici mediaya istinadən xəbər verir ki, bu təklif şirkətin səhmlərinin 75%-dən çoxunun sahibləri tərəfindən bəyənilib.
Teslanın direktorlar şurası Maskın növbəti onillikdə şirkətin rəhbərliyində qalacağını iddia edərək, onun yeni təzminat paketini fəal şəkildə təbliğ edib.
Maskın kompensasiya planı şirkətin müəyyən bazar kapitallaşması və əməliyyat performansı hədəflərinə nail olması əsasında şirkət səhmlərində mərhələli ödənişləri nəzərdə tutur. Maksimum ödəniş, Teslanın bazar dəyərinin 2035-ci ilə qədər 8,5 trilyon dollara çatacağı və düzəliş edilmiş EBITDA-nın 400 milyard dollara çatacağı təqdirdə nəzərdə tutulur. Bu ssenaridə Musk Tesla-nın 1,03 trilyon dollar dəyərində olan səhmlərinin təxminən 12%-ni alacaqdı.
Qeyd edək ki, 2025-ci ilin əvvəlindən Tesla-nın bazar kapitallaşması 10,4% artaraq 1,54 trilyon dollara çatıb.
