Ölkəsində mühacirləri hədəfə almağda davam edən ABŞ Prezidenti Donald Tramp bu dəfə Somali əsilli Demokrat konqresmen İlhan Ömər haqqında ağlasığmaz ifadələr işlədib.
Medialive Qərb mediasına istinadən xəbər verir ki, Tramp konqresmeni ABŞ üçün heç nə etmədiyini bildirərək tənqid edib.
“Adı nə olursa olsun, bu xanımdan xoşum gəlmir. Hicablı qız. Ölkəmizə gəlib, lakin heç bir şey etmir, həmişə şikayətlənir. Onun gəldiyi ölkə isə dünyanın ən pis ölkələrindən hesab olunur, onu buradan qovmaq lazımdır” – deyə Tramp deyib.
Konqresmen qadın isə bu sözlərə belə cavab verib:
“Trampın öyünməyə heç bir iqtisadi siyasəti olmadığı üçün o, möcüzəli yalanları təkrarlayır, onun dərhal köməyə ehtiyacı var”.
Trampın bu sözlərindən sonra Amerika vətəndaşları ayağa qalxaraq “Onu geri göndər!” şüarları səsləndiriblər.
Salonda gərginlik artdıqca Tramp təhqirlərini daha da gücləndirib, hətta Ömərin qardaşı ilə evləndiyini iddia edib.
