Ukrayna Prezidenti Volodimir Zelenski Ali Radaya hərbi vəziyyət dövründə seçkilərin keçirilməsinin mümkünlüyü ilə bağlı qanun layihəsi hazırlamağı tapşırıb.
Medialive xəbər verir ki, bu barədə “RBC-Ukrayna”ya etibarlı mənbədən məlumat daxil olub.
Mənbənin dediklərinə görə, ötən həftə bu məsələ ilə bağlı görüş keçirilib. Səsvermənin bir neçə gün davam edəcəyi və erkən prezident seçkilərində olduğu kimi, elandan sonra 60 gün ərzində baş tutacağı gözlənilir.
Lakin, təşəbbüsün hazırlanmasında iştirak edən bir çox insan bunun davam etdirilməsinin məntiqli olub-olmadığına şübhə ilə yanaşır. Zelenski əvvəlcə qanunun hazırlanmasını seçkilərin keçirilməsi ilə bağlı konkret planlara görə deyil, Ukraynanın uzun müddətdir prezident seçmədiyini bildirən ABŞ prezidenti Donald Trampa cavab olaraq əmr edib.
