“Uşaqlar yalnız ailənin deyil, xalqın və dövlətin ən böyük sərvətidir”.
Medialive.az xəbər verir ki, bunu Milli Məclisin bugünkü plenar iclasında “Azərbaycan Respublikasının 2026-cı il dövlət büdcəsi haqqında” qanun layihəsinin müzakirəsi zamanı Ailə, qadın və uşaq məsələləri komitəsinin sədri Hicran Hüseynova deyib. Dünya Uşaq Hüquqları Gününə toxunan komitə sədri büdcə müzakirələri çərçivəsində uşaq məsələləri ilə bağlı təkliflərini səsləndirib.
Millət vəkilinin sözlərinə görə, məktəbəqədər təhsil müəssisələrinin sayının artırılması, uşaq bağçalarında tibbi və psixoloji xidmətlərin təşkil edilməsi zəruridir. O həmçinin üç və daha çox uşağı olan ailələr üçün sosial dəstək proqramlarının genişləndirilməsinə böyük ehtiyac olduğunu diqqətə çatdırıb.
H.Hüseynovanın fikrincə, bu istiqamətdə davamlı görülən işlər uşaqların rifahının və ailələrin sosial müdafiəsinin gücləndirilməsinə mühüm xidmət edəcək.
