Trampın Ukraynadakı münaqişənin həlli ilə bağlı yeni planı işin real vəziyyətini əks etdirir.
Medialive xəbər verir ki, bunu Ağ Evin mətbuat katibi Karolin Levit jurnalistlərə açıqlamasında deyib.
“Bu plan beş illik dağıdıcı döyüşlərdən sonra vəziyyətin reallıqlarını həll etmək, hər iki tərəfin verməli olduqlarından daha çox qazandığı ən yaxşı, qazan-qazan həllini tapmaq üçün nəzərdə tutulmuşdur” – deyə Levit qeyd edib.
Levit daha əvvəl brifinqində ABŞ dövlət katibi Marko Rubio və ABŞ prezidentinin xüsusi nümayəndəsi Stivin Vitkoffun Vaşinqtonun təklif etdiyi nizamlanma planı ilə bağlı həm Rusiya, həm də Ukrayna ilə əlaqə saxladıqlarını açıqlamışdı.
Ağ Evin mətbuat katibi Donald Trampın bu planı dəstəklədiyini vurğulayıb.
O, bir jurnalistin sənədin yalnız Kiyevdən güzəştlərin nəzərdə tutulması ilə bağlı iddiasını rədd edərək, müzakirələrin bərabər əsasda aparıldığını qeyd edib və əlavə edib ki, Rubio və Vitkoff planı müzakirə etmək üçün keçən həftə Ukrayna nümayəndələri ilə görüşüblər.
