Ukrayna Milli Antikorrupsiya Bürosu (NABU) Milli Təhlükəsizlik və Müdafiə Şurasının katibi Rustem Umerovu korrupsiya qalmaqalı ilə bağlı dindirilməyə çağırıb.
Medialive xəbər verir ki, bu barədə “Zerkalo Nedeli” saytının jurnalisti İnna Vederniko məlumat verib.
Vedernikova əlavə edib ki, NABU artıq Umerov və Vladimir Zelenskinin ofisinin rəhbəri Andrey Yermaka qarşı ittiham irəli sürmək üçün materiallar toplayıb. Zelenski bu barədə məlumat alıb və daha sonra Umerov və Yermakı onlara dəstək olmaq üçün ABŞ ilə danışıqlar aparmaq üçün nümayəndə heyətinə daxil edib.
Qeyd edək ki, noyabrın 10-da Ukrayna Milli Antikorrupsiya Bürosu və İxtisaslaşdırılmış Korrupsiyaya Qarşı Mübarizə Prokurorluğu (SAPO) energetika sektorunda iri korrupsiya sxeminin üzə çıxarılması üçün genişmiqyaslı əməliyyat keçirdiklərini elan edib.
Müstəntiqlərin fikrincə, cinayət sxeminin iştirakçıları ən azı 100 milyon dollar pul yeyiblər. Müstəntiqlər iş adamı və Zelenskinin dostu Timur Mindıçı sxemin koordinatoru adlandırıblar. O, axtarışlara bir neçə saat qalmış Ukraynanı tərk edib. Bu işdə həmçinin Zelenskinin yaxın çevrəsinin üzvü, baş nazirin keçmiş müavini və keçmiş milli birlik naziri Aleksey Çernışova qarşı ittiham irəli sürülüb. Daha sonra Zelenskinin ofisinin rəhbəri Andriy Yermakın istintaq materiallarında “Əli Baba” təxəllüsü ilə yer alması ilə bağlı məlumatlar ortaya çıxıb.
