İran İslam İnqilabı Keşikçiləri Korpusunun (SEPAH) dəniz qüvvələri Fars körfəzində Eqtedar təliminə başlayıb.
Medialive xəbər verir ki, bu barədə Mehr agentliyi məlumat yayıb.
“Şəhid Hacı Məhəmməd Nazerinin xatirəsinə həsr olunmuş bu təlimlər İran İnqilabı Keşikçiləri Korpusunun Hərbi Dəniz Qüvvələrinin istənilən potensial təhlükəyə qarşı hazırlığını, möhkəmliyini və sadiqliyini nümayiş etdirir”, – deyə Mehr yazıb.
SEPAH bildirib ki, təlimlər İran donanmasının müdafiə hazırlığını vurğulayır və Fars körfəzində onun qarşısının alınması və əməliyyat imkanlarını gücləndirmək üçün davam edən səyləri əks etdirir.
