ABŞ Dövlət Departamenti hava bombaları və müvafiq logistika daxil olmaqla, Kanadaya potensial 2,68 milyard dollar dəyərində sursat satışını təsdiqləyib.
Medialive xəbər verir ki, bu barədə Müdafiə Təhlükəsizliyi Əməkdaşlıq Agentliyi məlumat yayıb.
Açıqlamaya görə, Kanada rəsmiləri daha əvvəl ABŞ-dən xüsusilə BLU-117, BLU-109, BLU-111 və GBU-39 hava bombaları, müxtəlif müvafiq avadanlıqlar, eləcə də təlim sursatları tələb edib.
Sənəddə vurğulanıb ki, təklif edilən satış NATO müttəfiqinin döyüş qabiliyyətini artırmaqla ABŞ-nin xarici siyasəti və milli təhlükəsizlik məqsədlərinə uyğun olacaq.
ABŞ administrasiyası yuxarıda qeyd olunan silahların potensial satışını təsdiqləmək barədə qərarını artıq Konqresə bildirib. Qanunverici orqanın potensial sövdələşməni nəzərdən keçirmək və onu bloklayıb, qoymamaq barədə düşünmək üçün 30 günü var.
Qeyd edək ki, oktyabrın əvvəlində Dövlət Departamenti M142 HIMARS reaktiv yaylım atəşi sistemlərinin, döyüş sursatlarının və əlaqəli logistikanın Kanadaya 1,75 milyard dollara mümkün satışını təsdiüləyib.
