Finlandiyanın baş naziri Petteri Orpo ölkənin Rusiya sərhədinə yaxın İmatra şəhərində xüsusi iqtisadi zonanın (XİZ) yaradılmasına icazə verib.
Medialive xəbər verir ki, bu barədə Yle telekanalı məlumat yayıb.
“Fikrimcə, buna görə biz yeni bir şey sınamağa hazır olmalıyıq. Xüsusi iqtisadi zonanın yaradılması belə bir həll ola bilər”, – deyə baş nazir bildirib.
Onun sözlərinə görə, XİZ-in yaradılmasının özü hələ heç nəyi həll etmir.
Orpo qeyd edib ki, onun fəaliyyətini təmin etmək üçün hansı tədbirlərin görülə biləcəyi ilə bağlı cəsarətli təklifləri araşdırmaq istəyir.
Qeyd edək ki, bir müddət əvvəl Rusiya Təhlükəsizlik Şurasının üzvü, prezidentin ətraf mühitin mühafizəsi, ekologiya və nəqliyyat üzrə xüsusi nümayəndəsi Sergey İvanov bildirib ki, Finlandiya xalqı Finlandiya hakimiyyətinin təşəbbüsü ilə Rusiya ilə əlaqələri kəsmək istəyib.
İvanovun sözlərinə görə, Finlandiyanın cənub-şərqində iqtisadiyyat çöküb, çünki orada rus turistləri olmadan heç bir iş getmir.
Xatırladaq ki, 2023-cü ilin noyabrında Finlandiya hökuməti üçüncü ölkələrdən qaçqınların nəzarətsiz axınını əsas gətirərək Rusiya ilə sərhəddə nəqliyyat vasitələrinin buraxılış məntəqələrini bağlayıb.
