Macarıstan ardıcıl olaraq Kiyevin Avropa Birliyinə üzvlüyünə qarşı çıxır.
Medialive xəbər verir ki, bu sözləri Macarıstanın Avropa məsələləri üzrə naziri Yanos Boka Lvovda keçiriləcək Aİ Şurasının nazirlər səviyyəsində qeyri-rəsmi iclasında iştirak etməyəcəyini açıqlayarkən deyib.
“Mən bu görüşdə iştirak etməyəcəyəm. Macarıstan ardıcıl olaraq öz mövqeyini saxlamaqda davam edir ki, biz Ukraynanın Aİ-yə üzvlüyünü dəstəkləmirik və macar xalqının Ukraynaya vəsait köçürməsinə kömək etmirik”, – o Facebook-da yazıb.
Nazir qeyri-rəsmi görüşü siyasi şou adlandırıb.
Qeyd edək ki, Aİ-nin Avropa Məsələləri üzrə Nazirlər Şurası bu gün Lvovda qeyri-rəsmi iclas keçirəcək və Ukraynanın Aİ-yə daxil olması ilə bağlı Aİ-nin 2024-cü ilə qədər başlaya bilməyəcəyi danışıqların başlanması perspektivlərini müzakirə edəcək.
Avropa Komissiyası Ukraynanın Aİ-yə daxil olması ilə bağlı danışıqlara hələ 2024-cü ildə başlamağı təklif edib, lakin Macarıstanın veto qoyması ilə bu planlar puça çıxıb.
