ABŞ Konqresi Suriyada amerikalılara qarşı hücumlara cavab olaraq Donald Trampın İŞİD terror qruplaşmasına qarşı hərəkətlərini dəstəkləməyə hazırdır.
Medialive xəbər verir ki, bunu Senatın Silahlı Qüvvələr Komitəsinin üzvü, respublikaçı senator Cim Benks Fox News-a bildirib.
“Patrula hücuma görə məsuliyyət daşıyanları tapacağıq, ABŞ Konqresi bu işdə prezidenti dəstəkləyəcək”, – deyə Banks bildirib.
O, əlavə edib ki, ABŞ senatorları Trampın İŞİD-i məhv etmək səylərini dəstəkləmək niyyətindədir.
Daha əvvəl Amerika lideri bəyan edib ki, Vaşinqton Suriyada patrula hücumun təşkilatçılarından qisas alacaq.
Qeyd edək ki, dekabrın 13-də silahlı şəxs Palmirada Suriya-Amerika patruluna atəş açıb.
İki ABŞ hərbçisi və bir amerikalı tərcüməçi öldürülüb.
Onların cəsədləri ABŞ helikopterləri ilə əl-Tanfda Qərb koalisiyasının hərbi bazasına aparılıb.
Suriya Daxili İşlər Nazirliyinin açıqlamasında görə, hücum edən şəxs təhlükəsizlik qüvvələrinin üzvü olub. O, atışma zamanı məhv edilib.
