Avropa və ABŞ nümayəndələrinin rəsmi açıqlamalarına baxmayaraq, Berlindəki danışıqlar təhlükəsizlik zəmanətləri və Ukrayna tərəfindən mümkün ərazi güzəştləri məsələsinə aydınlıq gətirə bilməyib.
Medialive xəbər verir ki, bu barədə Bild qəzeti məlumat yayıb.
Məlumata görə, rəsmi açıqlamalar pərdəarxası deyilənlərlə kəskin şəkildə ziddiyyət təşkil edir.
Bundan əlavə, ukraynalılar üçün ərazi güzəştlərinin ən azı müvəqqəti olaraq qaçılmaz olduğu aydın olsa belə qoşunların Donbasdan tamamilə çıxarılması qərarını əhaliyə izah etmək çətin olacaq.
Qeyd edək ki, 14-15 dekabrda Amerika və Ukrayna nümayəndə heyətləri Ukraynadakı münaqişənin həllini müzakirə etmək üçün Berlində görüşüblər. Dünən danışıqlar beş saat davam etib.
Ötən gün bir sıra Avropa liderləri, eləcə də Avropa Komissiyasının prezidenti və NATO-nun baş katibi danışıqların gedişatını müzakirə ediblər.
