YouTube Rusiyada növbəti altı ay ərzində bir ilə qədər müddətdə bloklanacaq.
Medialive xəbər verir ki, bu barədə Dövlət Dumasının İnformasiya Siyasəti, İnformasiya Texnologiyaları və Kommunikasiya Komitəsinin sədr müavini Andrey Svintsov danışıb.
“Bu, platformanın mövcud Rusiya qanunvericiliyini görməməzliyə vurması ilə bağlıdır. Bu platformadan öz məzmununu tanıtmaq üçün istifadə edən hər kəs tez bir zamanda Rutube, VK Video və digər alternativlərə keçməlidir”, – Svintsov Abzats-a bildirib.
Ruslar ilk dəfə YouTube-un yavaşlaması ilə 2024-cü ilin iyulunda qarşılaşıblar.
Roskomnadzor əvvəlcə vəziyyəti Google-un texniki problemləri ilə əlaqələndirib.
Qeyd edək ki, Google uzun müddətdir Rusiyadakı serverlərini yeniləməyib. Daha sonra Dövlət Dumasının keçmiş deputatı, parlamentin aşağı palatasının informasiya siyasəti komitəsinə sədrlik edən Aleksandr Xinşteyn YouTube-un yavaşlamasının Rusiya hakimiyyəti tərəfindən başladığını etiraf edib.
Ötən ilin dekabrında Rusiyanın bütün əsas mobil operatorları – MTS, Beeline, MegaFon, Tele2 və Yota YouTube videolarını bloklayıblar. Roskomnadzor daha sonra Rusiyada qanun pozuntuları və ölkəyə hörmətsizlik səbəbindən xidməti məhdudlaşdırdığını təsdiqləyib.
