Tayland və Kamboca qoşunları sərhəddə bir-birinin mövqelərinə hücum etməyə davam edir.
Medialive xəbər verir ki, bu barədə “Bangkok Post” qəzeti Tayland ordusuna istinadən məlumat yayıb.
Tayland Ordusunun sözçüsünün müavini Riça Suksuvanon bildirib ki, iki ölkə orduları bir sıra mübahisəli əraziləri ələ keçirmək üçün bir-birinə top və raket artilleriyasından atəş açır.
O qeyd edib ki, Tayland qoşunları iki ölkə arasındakı 800 kilometrdən çox sərhəd boyunca 19 əsas məntəqədən dördünü nəzarətdə saxlayır. Suksuvanon əlavə edib ki, Surin əyalətindəki Ta Kvay məbəd kompleksinin xarabalıqları uğrunda ciddi döyüşlər baş verib.
Tayland həmçinin Kambocanı yaşayış məntəqələrini atəşə tutmaqda günahlandırıb. Tayland Müdafiə Nazirliyinin sözçüsü Surasant Konqsiri qeyd edib ki, Kamboca qüvvələri Sa Kaeo əyalətindəki mülki hədəflərə 120 BM-21 raketi atıb.
Qeyd edək ki, dekabrın 7-də Tayland-Kamboca sərhədində yenidən döyüşlər başlayıb. Tayland əvvəlcə atəş açıb. Banqkok isə bunun əksini iddia edib. 800 mindən çox insan evlərini tərk etmək məcburiyyətində qalıb və 38 nəfər ölüb.
Tayland və Kamboca müstəmləkə dövründən qalma sərhədlərin müəyyənləşdirilməsi ilə bağlı ərazi mübahisəsindədirlər.
