Cari ilin yanvar-noyabr aylarında “Qala Sığorta” ASC-nin yığımlarında 1 milyon 869 min manat və ya 2,56% azalma müşahidə olunub.
Sığorta şirkəti sözügedən dövrdə 71 milyon 129 min min manat dəyərində sığorta haqqı toplayıb.
Ötən ilin eyni dövründə şirkətin topladığı sığorta haqqı 72 milyon 998 min manat olub.
Şirkətin sığorta ödənişlərinə gəldikdə isə “Qala Sığorta” ASC ilk 11 ayda 24 milyon 175 min manat sığorta ödənişi edib.
İlk 11 ayda şirkətin sığorta ödənişlərində 8 milyon 864 min manat dəyərində və ya 57,89% artım olub.
Belə ki, ötən ilin eyni dövründə sığorta şirkətinin ödənişləri 15 milyon 311 manat olub.
Beləliklə, yığımların azalması fonunda ödənişlərin artması sığorta şirkətinin zərərliliyinə, yəni ödəniş-yığım nisbətinə mənfi təsir edib.
Qeyd edək ki, “Qala Sığorta” ASC cari ilin yanvar-noyabr aylarında hər 100 manatdan 33,98 manatı ödənişə ayırıb. Ötən ilin eyni dövründə isə sığorta şirkəti hər 100 manatdan 20,97 manatı ödənişə ayırıb.
///Valyuta.az
