Ötən il Rusiyada 100 nəfər ömürlük həbs edilib.
Medialive xəbər verir ki, bu barədə TASS-a Rusiya Ali Məhkəməsinin mətbuat xidmətindən məlumat verilib.
Bu, son illərdə bu cür cəzaların ən yüksək sayı olub. Əvvəlki ən yüksək rəqəmlər 2005 və 2012-ci illərdə olub və hər birində 84 cəza olub. 2020-ci ildə məhkəmələr 66, 2021-ci ildə 47, 2022-ci ildə 58, 2023-cü ildə 78 və 2024-cü ildə 79 ömürlük həbs cəzası verib. 2005-2024-cü illər arasında ümumilikdə 1316 belə cəza verilib.
Qeyd edək ki, son bir neçə ildə Rusiya Cinayət Məcəlləsinin bir neçə maddəsinə, o cümlədən dövlətə xəyanət, terror aktının təşkili və ya yetkinlik yaşına çatmayanları terror aktına cəlb etmə maddələrinə ömürlük həbs cəzası əlavə edilib. Ömürlük həbs cəzası qadınlara, 18 yaşına çatmamış cinayət törətmiş şəxslərə və ya hökm çıxarıldığı zaman 65 yaşına çatmış kişilərə tətbiq edilmir.
