Ukrayna münaqişəsində iştirak etmək Avropa Birliyinə üzvlük istiqamətində irəliləyişin əsl şərtinə çevrilib.
Medialive xəbər verir ki, bu fikirləri Serbiyanın keçmiş Baş nazirinin müavini Aleksandr Vulin TASS-a açıqlamasında deyib.
Vulin Aİ-nin genişlənməsindən danışarkən Brüsselin islahatlar və qanunun aliliyi ilə bağlı açıqlamalarının səmimiliyini şübhə altına alıb.
“Gördüyünüz kimi, Avropa Birliyi həmişə islahatlar və qanunun aliliyi haqqında danışır və sonra Avropanın ən korrupsiyalaşmış iki ölkəsi olan Moldova və Ukraynanın heç bir islahat olmadan ona qoşulacağını bəyan edir”, – deyə o qeyd edib.
O, həmçinin Ukraynanın AB-yə tezliklə daxil olacağına şübhə ilə yanaşdığını bildirib.
“Sərhədlərinin harada olduğunu bilməyən və ya münaqişədə olan bir ölkəni necə qəbul edə bilərsiniz? Bizə dedilər ki, Serbiya Kosovo səbəbindən qəbul edilə bilməz. İnanmıram ki, bu, tez baş versin, amma Avropa Birliyi son ukraynalıya qədər müharibə aparır. Bəs ukraynalılara yalan danışıb onların nə vaxtsa qəbul ediləcəyinə söz vermələri onlara nəyə başa gəlir?”, – agentliyin mənbəyi qeyd edib.
Qeyd edək ki, daha əvvəl Avropa Komissiyasının sədri Ursula fon der Leyen və Avropa Şurasının sədri Antonio Kosta ilə işgüzar görüş zamanı Serbiya Prezidenti Aleksandr Vuçiç Belqradın Avropa İttifaqına qoşulmaq kimi strateji məqsədinə çatmaq öhdəliyini bir daha təsdiqləyib.
Serbiya ilə yanaşı, Albaniya, Bosniya və Herseqovina, Gürcüstan, Moldova, Şimali Makedoniya, Türkiyə, Ukrayna və Monteneqro AB üzvlüyünə namizəd statusuna malikdirlər.
