ABŞ Prezidenti Donald Tramp Macarıstanın Baş naziri Viktor Orbana apreldə keçiriləcək parlament seçkilərində qələbə arzulayıb.
Medialive xəbər verir ki, Tramp Vaşinqtondan Budapeştə göndərdiyi məktubda Macarıstan hökumətinin ənənəvi mühafizəkar dəyərləri dəstəkləmək siyasətini müdafiə edib.
Orban isə Trampa təbrikinə görə Facebook-da belə cavab verib:
“Sizin müdrik liderliyiniz dünyanın qalan hissəsi üçün nümunədir. Macarıstanı bu qədər gözəl bir yerə çevirən prinsiplərə – imana, ailəyə və suverenliyə həmişə möhkəm dayanmısınız. Amerika belə cəsarətə heyran qalır”.
Tramp Macarıstana səfər dəvətinə görə Orbana təşəkkür edib.
Qeyd edək ki, yanvarın 8-də ABŞ və Macarıstan liderlərinin seçki kampaniyaları zamanı qarşılıqlı dəstək məsələsi Baş Nazir Aparatının rəhbəri Gergeli Qulyasın keçirdiyi brifinqdə qaldırılıb.
Qulyas bildirib ki, Avropa Birliyinin Macarıstan müxalifətinə müxtəlif qurumlar vasitəsilə verdiyi maliyyə yardımından fərqli olaraq, dəstək ifadələri müdaxilə hesab edilməməlidir.
