Qazaxıstan Prezidenti Kasım-Jomart Tokayev ABŞ-nin Astanadakı yeni səfiri Culi Stafftın etimadnaməsini qəbul edən zaman amerikalı həmkarı Donald Trampa G20 sammitinə dəvətə görə minnətdarlığını bildirib.
Medialive xəbər verir ki, bunu Tokayevin mətbuat xidməti açıqlayıb.
“Prezident Donald Trampla dostcasına və eyni zamanda məzmunlu söhbətimiz oldu. Bu yaxınlarda ikitərəfli əməkdaşlığımızla bağlı bir çox məsələlər üzrə məhsuldar telefon danışığı apardıq. Bu ilin sonlarında ABŞ-də keçiriləcək G20 sammitində iştirak etmək üçün dəvətə görə minnətdaram” – deyə bəyanatda qeyd edilir.
Qeyd edək ki, ötən ilin dekabrında Tramp Qazaxıstan və Özbəkistanın 2026-cı ildə Mayamidə keçiriləcək G20 sammitində qonaq qismində iştirak etməyə dəvət olunacağını açıqlamışdı.
