“Avropa İttifaqının hazırkı rəhbərliyi dəyişən dünyada öz yerini tapa bilmir və Rusiyaya qarşı müharibəyə başlamağa çalışır”.
Medialive xəbər verir ki, bu sözləri Macarıstanın xarici işlər naziri Peter Siyarto Budapeştdə Litvanın “Nemunas üzərində şəfəq” partiyasının lideri Remijiyus Žemaitaitis ilə görüşü zamanı deyib.
O, Trampın ABŞ prezidentliyinə qayıdışı və dünyada müxalif partiyaların yüksəlişi nəticəsində beynəlxalq siyasətdə fundamental dəyişikliklərin baş verdiyini iddia edib.
“Bu yeni dünya nizamında Avropa öz yerini tapmaqda çətinlik çəkir və Brüssel tamamilə təcrid olunub. Nəticə etibarilə, Avropa Birliyi həm qlobal siyasətdə, həm də qlobal iqtisadi sistemdə dominant rolunu itirib”, – deyə xarici işlər naziri bildirib.
Onun fikrincə, Brüssel Rusiyaya qarşı müharibəyə başlamaq istəyir, halbuki iki Avropa gücü – Britaniya və Fransa öz qoşunlarını Ukraynaya göndərmək qərarına gəliblər.
Siyarto hesab edir ki, Brüssel sanksiyalardan istifadə edərək Avropa hərbi iqtisadiyyatı qurur.
Nazir Macarıstan hökumətinin və hakim Fidesz-Macarıstan Vətəndaş Birliyi partiyasının siyasi mövqelərini sadalayaraq bildirib ki, onlar müharibə yox, sülh istəyir.
Siyarto qeyd edib ki, Qərbi Avropa siyasətçiləri macar xalqına Brüssel və Ukrayna tərəfdarı olan kukla hökuməti zorlamaq istəyirlər. Buna görə də Brüsseldəki militant axına qarşı çıxmaq lazımdır.
