Venesuelanın müvəqqəti Prezidenti Delsi Rodrigez neft satışından əldə edilən gəlirin ölkənin səhiyyə sisteminin təkmilləşdirilməsinə sərf olunacağını bildirib.
Medialive xəbər verir ki, bu barədə VTV dövlət televiziyası məlumat yayıb.
Rodrigez illərdir böhrandan təsirlənən ölkəsindəki səhiyyə sektoru üçün xüsusi bir plan üzərində işlədiklərini və bunun neftlə əlaqəli olacağını söyləyib.
O bildirib ki, bu sektordan Venesuelaya daxil olan hər bir dollar ölkəsinin səhiyyə sisteminin ehtiyaclarının ödənilməsinə xərclənəcək.
Rodrigez plan çərçivəsində 75 səhiyyə mərkəzinin müəyyən edildiyini bildirsə də, Venesuelada neft satışından əldə edilən gəlirin Vaşinqton tərəfindən idarə olunan hesablara köçürülməsi ilə bağlı açıqlamalara toxunmayıb.
ABŞ Prezident Donald Tramp Venesuelaya hərbi müdaxilədən sonra Amerika şirkətlərinin neft sənayesində iştirak edəcəyini açıqlamışdı.
Yanvarın 7-i tarixində verdiyi açıqlamada katib Kris Rayt bildirib ki, Venesuelada görmək istədikləri dəyişiklikləri həyata keçirmək üçün ölkənin neft satışlarına nəzarət etməlidirlər. Onlar neftlərini müddətsiz satacaqlarını deyiblər.
Tramp açıqlamasında Venesuelanın müvəqqəti hökumətinin ABŞ-yə 30-50 milyon barel neft tədarük edəcəyini bildirib.
ABŞ-nin Venesuelaya hərbi müdaxiləsindən sonra Tramp Ağ Evdə ABŞ neft şirkətlərinin yüksək vəzifəli şəxsləri ilə Venesuelanın neft sənayesinin yenidən qurulması və istehsalın artırılması məsələlərini müzakirə edəcəyini açıqladı.
ABŞ-nin Venesuelaya hava hücumları və Maduronun həbsindən sonra vitse-prezident Delsi Rodrigez 5 yanvarda müvəqqəti prezident kimi and içib.
