Dermatologiya müasir dünyada insanların ən çox müraciət etdyi tibb sahəsindən biridir.
Bugünkü qidalarımızın tərkibi zərərli maddələrlə və eyni zamanda müxtəlif kimyəvi elementlərlə əhatə olunduğu üçün onları qəbul etdiyimiz zaman bu bir çox xəstəliyin yaranmasına gətirib çıxarır.
Son illər sözügedən qidalar və bəzi zərərli vərdişlər estetik baxımdan insanların neqativ görkəm alması ilə nəticələnir.
Bəs, dermatologiya nədir? Onun mühüm əlamətləri hansılardır? Son zamanlar bu sahə üzrə niyə xəstəliklərin sayı artır?
Medialive.az bu sualların cavabını almaq üçün “Baku Central Hospital”ın dermatoloqu Nizami Novruzlu ilə müsahibə edib.
Həmin müsahibəni təqdim edirik:
1. Həkim Nizami Novruzlu kimdir və tibbi təhsil yolu necə formalaşıb?
– Mən, Novruzlu Nizami Valeh oğlu, 2011–2017-ci illərdə Azərbaycan Tibb Universiteti-də ali tibbi təhsil almışam. Həkim diplomunu əldə etdikdən sonra iki il müddətində hərbi xidmət keçmişəm. 2019-cu ildə dermatovenerologiya ixtisası üzrə rezidenturaya qəbul olunmuş və 2023-cü ildə ixtisasımı uğurla tamamlamışam. Rezidentura təhsilimin son ilini dövlət proqramı çərçivəsində Türkiyənin aparıcı hərbi-tibbi mərkəzlərindən biri olan Gülhane Hərbi Tibb Akademiyasında keçmişəm. Bu müddət ərzində klinik-dermatologiya, dermatoloji- cərrahiyyə və estetik-dermatologiya sahəsində intensiv praktiki təcrübə qazanmışam. Hazırda fəaliyyətimi “Baku Central Hospital”da davam etdirirəm.
2. Klinik fəaliyyətiniz əsasən hansı dermatoloji xəstəlikləri əhatə edir?
– Fəaliyyət sahəm dermatologiyanın geniş spektrini əhatə edir. Xüsusilə İltihabi dəri xəstəlikləri, (akne, rozasea, dermatitlər) Papuloskvamoz xəstəliklər, (psoriaz və s.) Ekzema və allergik dermatozlar, dərinin göbələk, bakterial, viral və parazitar infeksiyaları, zöhrəvi xəstəliklər, Vitiliqo və digər piqment pozğunluqları, saç xəstəlikləri və trixoloji problemlər, xoşxassəli və bədxassəli dəri törəmələri, xəstəliklərin diaqnostika və müalicəsi ilə məşğul oluram. Diaqnostikada klinik müayinə ilə yanaşı dermatoskopiya, laborator analizlər və lazım gəldikdə dəri biopsiyasından istifadə edirəm. Müalicə planı isə beynəlxalq protokollara və sübuta əsaslanan tibbin prinsiplərinə uyğun şəkildə fərdiləşdirilir.
3. Dermatoloji cərrahiyyə sahəsində hansı prosedurları icra edirsiniz?
– Dermatoloji cərrahiyyə sahəsində də Nevusların (xalların) eksiziyası, Papilomaların və digər xoşxassəli törəmələrin götürülməsi, şübhəli dəri törəmələrinin cərrahi çıxarılması, dəri biopsiyası, kiçik ambulator cərrahi prosedurları icra edirəm. Məqsəd yalnız estetik nəticə deyil, eyni zamanda onkoloji təhlükəsizliyin təmin olunmasıdır.
4. Lazer və aparat texnologiyalarının tətbiqi barədə nə deyə bilərsiniz?
– Müasir dermatologiyada lazer və aparat texnologiyaları mühüm yer tutur. Praktikamda lazer vasitəsilə Hiperpiqmentasiyaların müalicəsi, Postakne və digər çapıqların korreksiyası, yanıq izlərinin yaxşılaşdırılması, damar mənşəli dəri problemlərinin aradan qaldırılmasını həyata keçirmişəm.
5. Estetik dermatologiya sahəsində yanaşmanız necədir?
Estetik dermatologiyada əsas prinsipim təbii görünüşün qorunmasıdır. İcra etdiyim prosedurlar Botulinum toksin inyeksiyaları, Dermal dolğular, (filler) Mezoterapiya və biorevitalizasiya, dərinin struktur və keyfiyyətinin yaxşılaşdırılmasıdır. Estetik müdaxilələr zamanı anatomik bilik, dozajın düzgün seçimi və simmetriyanın qorunması əsas prioritetlərimdəndir.
6. Pasiyentlərə yanaşmanız və peşəkar prinsipləriniz hansılardır?
– Mənim üçün dermatologiya yalnız səthi dəri problemi deyil, sistemli yanaşma tələb edən tibbi sahədir. Hər bir pasiyentə fərdi yanaşma tətbiq olunur, xəstəliyin etimalogiyası araşdırılır və uzunmüddətli nəticə hədəflənir. Pasientlərə qarşı əsas prinsiplərim düzgün və erkən diaqnostika, sübutlara əsaslanan müalicə, pasiyentlərlə açıq və şəffaf kommunikasiya, etik və təhlükəsiz tibbi xidmətdir.
Dermatoloji xəstəliklər insanların canına qəsd edə bilər. Sizin də dermatoloji problemləriniz varsa, durmadan “Baku Central Hospital” klinikasına, Nizami Novruzluya müraciət edin!
Sağlamlığınızı “Baku Central Hospital”a əmanət edin!
Əlaqə telefonu: 055-772-15-55, 012-569-24-50
ÜNVAN: Bakı şəhəri, Svetlana Məmmədova 91
