Tovuzda fərdi yaşayış evində partlayış olub.
Medialive.az APA-ya istinadən xəbər verir ki, hadisə rayon ərazisində qeydə alınıb.
Belə ki, rayon sakini 1967-ci il təvəllüdlü Z. Cəfərova məxsus 4 ortaqlı fərdi yaşayış evində qaz sızması nəticəsində anidən partlayış olub.
Nəticədə 1997-cü il təvəllüdlü C. Cəfərov, 2005-ci il təvəllüdlü T. Cəfərova və 2024-cü il təvəllüdlü F. Cəfərov yanıq xəsarətləri alaraq xəstəxanaya yerləşdirilib.
Onlara dərhal yardım edilsə də hər üç yaralı vəziyyətinin ağır olması ilə bağlı Bakıya göndərilib.
Hadisə yerinə aidiyyəti qurumların əməkdaşları cəlb edilib.
Faktla bağlı araşdırma aparılır.
