Ötən gecə Rusiyanın Ukraynaya qarşı hücumu zamanı bir pilotsuz uçuş aparatı (PUA) Rumıniyanın milli hava məkanını pozub.
Medialive.az xəbər verir ki, bu barədə Rumıniya Müdafiə Nazirliyinin bəyanatında bildirilib.
Qeyd edilib ki, radar sistemləri PUA-nı müəyyənləşdirdikdən sonra aparatla əlaqə sərhədə yaxın yerləşən Çiliya Veke kəndinin cənub-şərqində itib.
Xatırladaq ki, Rumıniya Ukrayna ilə 650 km-lik quru sərhədini bölüşür. Rusiya-Ukrayna münaqişəsi başlayandan bəri dəfələrlə Rusiya PUA-larının Rumıniyanın hava məkanını pozması və qalıqların ölkə ərazisinə düşməsi halları qeydə alınıb.
