“Space TV”nin prezidenti Vado Korovinin vəzifəsindən azad olunması müzakirəsiz ötüşmədi. Televiziya rəhbərinin qurumda aparılan yoxlamalardan sonra postundan uzaqlaşdırıldığı bildirildi.
Qeyd edək ki, Vado Korovin “Space TV” ilə yollarını ayırsa da, onun personası ətrafında yaranmış ajiotaj səngimək bilmir. Mediada sabiq prezidentin yaxın günlərdə yüksək vəzifəyə təyin ediləcəyi ilə bağlı yayılan xəbərlərin ardı-arası kəsilmir.
Metbuat.az məsələnin təfərrüatını öyrənə bilib. Əldə etdiyimiz məlumata görə, Korovinin nəinki yaxın günlərdə, hətta yaxın aylarda yüksək vəzifəyə təyinat alması real deyil. Bu məlumatların mətbuata Korovinin yaxın çevrəsi tərəfindən sızdırıldığı iddia olunur. Məqsəd medianın və müstəqil ekspertlərin onun üstunə “ayaq açmasınının” qarşısını almaqdır.
Korovinin ardınca “Space TV”də yüksək vəzifə tutan ailə üzvlərinin də tezliklə yola salınacağı gözlənilir.
