Dövlət Statistika Komitəsində mühüm kadr dəyişikliyi baş verib.
Komitə sədri Azər Mursaqulovun imzaladığı yeni əmrə əsasən, Bayram Feyzulla oğlu Əliyev İnsan resursları və sənədlərlə iş şöbəsinin müdiri vəzifəsinə təyin edilib.
Medialive.az xəbər verir ki, rəhbər vəzifəyə gətirilən Bayram Əliyev kadrların idarə olunması sahəsində böyük təcrübəyə malikdir.
O, bu təyinata qədər Azərbaycan Respublikası Maliyyə Nazirliyində İnsan resurslarının idarə edilməsi şöbəsinin müdir müavini postunu tutub.
Dövlət Statistika Komitəsinin rəhbərliyinin əmri ilə o, artıq yeni vəzifəsinin icrasına başlayıb.
