Rusiyadan artan təhdidlərdən sonra Almaniya İslandiyada hərbi baza yaradacaq.
Medialive xarici mediaya istinarən xəbər verir ki, bunu Almaniyanın müdafiə naziri Boris Pistorius İslandiyanın paytaxtı Reykyavikə səfəri zamanı deyib.
O, bu çərçivədə İslandiyanın xarici işlər naziri Thorgerdur Katrin Gunnarsdottir ilə görüşərək yeni əməkdaşlıq müqaviləsi imzalayıb.
Müqaviləyə əsasən, Almaniya İslandiyada kəşfiyyat təyyarələri, döyüş gəmiləri, sualtı qayıqlar və təchizat gəmiləri üçün baza yaradacaq. Bu, iki ölkəyə hava və dəniz müşahidəsi və kibermüdafiə də daxil olmaqla, potensial hücumlara qarşı birgə mübarizə aparmağa imkan verəcək.
Dəniz logistikasında əməkdaşlığı da nəzərdə tutan sazişin Rusiyanın geridə qalan donanmasının dəniz infrastrukturuna yaratdığı təhlükələrin aradan qaldırılmasına yönəldiyi bildirilir.
Qeyd edək ki, 1949-cu ildə NATO-nun qurucu üzvü olmasına baxmayaraq, İslandiyada hələ də daimi ordu yoxdur. NATO müttəfiqləri növbə ilə İslandiyanın hava məkanını qoruyur. Yalnız ABŞ ordusu adada daimi hərbi varlığını saxlayır.
