Amerikalı biohaker Bryan Conson uzun ömür sürmək məqsədi ilə hər il 2 milyon dollar xərcləyir.
Medialive xarici mediaya istinadən xəbər verir ki, Conson sağlamlığı üçün çəkindiyi üç əsas vərdişi sadalayıb.
Bunların başında siqaret durur. İkincisi, o, müntəzəm fiziki fəaliyyətin ürəyin sağlamlığında və uzunömürlülüyündə mühüm rol oynadığını vurğulayaraq, məşq etməməyin ciddi səhv olduğunu açıqlayıb. Üçüncüsü, o, stressin və mənfi xəbərləri daim izləmək vərdişinin ciddi zərər verdiyini bildirib.
O bildirib ki, uzunömürlülük axtarışı təkcə tibbi müalicə ilə bağlı deyil. Conson müasir həyatın insanları gec yatmağa, ekranların qarşısında çox vaxt keçirməyə və daimi stres altında olmağa təşviq etdiyini söyləyib.
Məlumata görə, Conson iştirak etdiyi “biohack” sahəsində səhiyyə investisiyaları bütün dünyada getdikcə daha geniş yayılır.
Ekspertlərin fikrincə, Consonun yanaşması böyük büdcə olmadan həyata keçirilə bilər. Siqaret çəkməmək, müntəzəm məşq etmək və stressi idarə etmək hər kəs üçün daha sağlam həyata töhfə verə bilər.
