Futbol üzrə ikiqat SSRİ çempionu Viktor Şustikov 86 yaşında vəfat edib.
Şustikov “Torpedo” ilə SSRİ çempionatının (1960, 1965), üç dəfə SSRİ kubokunun qalibi (1960, 1968, 1972), iki dəfə SSRİ-nin ən yaxşı futbolçusu (1963, 1964) adını qazanıb.
O, SSRİ çempionatında “Torpedo” üçün ən çox oyun keçirən rekorda sahibdir (427). Şustikov bütün futbolçu karyerası boyunca – 1958-ci ildən 1972-ci ilə kimi “Torpedo”da oynayıb və 1968-ci ildən komandanın kapitanı olub.
Mərhum futbolçu SSRİ yığmasının heyətində 10 oyun keçirib və 1964-cü il Avropa çempionatında iştirak edib və burada sovet komandası ikinci yeri tutub. 1997-ci ildə Şustikov 2-ci dərəcəli Vətən qarşısında xidmətlərinə görə ordeni ilə təltif edilib. Təqaüdə çıxdıqdan sonra “Torpedo” və “FK Moskva”nın məşqçilər korpusunda çalışıb.
