Tanınmış milyarder Elon Maskın “SpaceX” şirkəti Hindistanda doqquz peyk rabitə stansiyası tikməyi planlaşdırır.
Medialive “The Times of India”ya istinadən xəbər verir ki,, stansiyalar Mumbay, Noida, Çandiqarh, Heydərabad, Kəlkütə və Lakxnau şəhərlərində tikiləcək.
Belə ki, şirkət yerli təhlükəsizlik qaydalarına uyğunluğu təmin etmək üçün müvəqqəti spektr ayırıb.
Yalnız Hindistan vətəndaşları xaricdə məlumatların sui-istifadəsinin qarşısını almaq üçün peyk rabitə stansiyalarının istismarına və məlumatların saxlanmasına cavabdeh olacaqlar.
Ancaq Hindistan Daxili İşlər Nazirliyinin icazəsi ilə əcnəbilərin orada işləməsinə icazə veriləcək.
Məlumata görə, ölkənin kənd yerlərində peyk internetinin yüksək qiyməti və məhdud əhatə dairəsi səbəbindən Hindistanda cəmi 2 milyon istifadəçi Starlink-in maksimal sürəti 200 Mbit/s olan qlobal peyk rabitə sistemini əldə edəcək.
Hindistan hakimiyyəti təxminən dörd ildir ki, Maskın Starlink-i ölkədə işə salmaq təklifini nəzərdən keçirir.
2021-ci ilin dekabrında “SpaceX” yüksək sürətli, genişzolaqlı mobil peyk internet xidmətləri göstərmək üçün Hindistanda törəmə müəssisə yaradıb, lakin hökumət lisenziyasının olmaması onun həyata keçirilməsinə mane olub.
İyulun əvvəlində Hindistan Starlink-ə peyk internetini işə salmaq üçün lisenziya verib və şirkət Hindistanın milli təhlükəsizlik qanunlarına əməl etməyi öhdəsinə götürdükdən sonra “SpaceX”in ölkədə kommersiya fəaliyyətinə başlamasına yol açıb.
