“Mən hesab edirəm ki, iki ölkə arasında sərhəddə yaranan məsələlər, mübahisələr var idi. Qarşılıqlı ərazi müzakirələri hökm sürürdü, eyni zamanda iki ölkəyə kənardan müdaxilələr olurdu. Çünki burada gərginliyin davam etməsini istəyən qüvvələr var”.
Bu fikirləri Medialive-yə açıqlamasında Müasir İnkişaf İctimai Birliyinin sədri, siyasi şərhçi Mübariz Göyüşlü deyib.
Siyasi ekspert bildirib ki, hazırkı anlaşma sülh və qarşılıqlı münasibətlərin isti mərhələyə qədəm qoyması cəhətdən çox göstəricidir:
“İndi artıq hər iki dövlətin qarşılıqlı məsələləri nizama salması normal qiymətləndirilir. Paralel olaraq ABŞ-nin həm Çinlə gərgin münasibətləri olması, Hindistanla da son dövrlər Rusiya neftinin alışına görə ABŞ-nin Hindistana təzyiqləri tərəfləri bir araya gətirən faktorlardan sayıla bilər. Əsas məqamlardan biri budur ki, gərginlik və soyuqluq məsələləri bu dövlətlər üçün faydalı və müsbət yanaşmalar vəd etmir. Bu baxımdan, hazırkı anlaşma sülh və qarşılıqlı münasibətlərin isti mərhələyə qədəm qoyması cəhətdən çox müsbət addımdır”.
Qeyd edək ki, uzun müddətdir Çin və Hindistan arasında ixtilaf və anlaşılmazlıqlar yaşanırdı.
Onlar qarşılıqlı şəkildə ərazi iddiaları ilə gündəmə gəlirdilər.
Bu gün isə 5 il sonra ölkələr arasında hava əlaqəsi bərpa edilib.
