Monteneqro polisi Podqoritsada onlarla Türkiyə və Azərbaycan vətəndaşını həbs edib.
Medialive xəbər verir ki, bu barədə Reuters agentliyi yazıb.
Monteneqronun baş naziri Miloso Spajic hökumətinin Türkiyə vətəndaşları üçün vizasız girişi müvəqqəti dayandıracağını və gələcək viza razılaşmaları ilə bağlı Ankara ilə intensiv danışıqlara başlayacağını bildirib.
Məlumata görə, onlarla yerli sakin Türkiyə dövlət nömrə nişanlı avtomobilləri zədələyərək və bir neçə Türkiyə vətəndaşını qısa müddətə qumarxanaya girməyə məcbur edərək cavab verib. Onlar Podqoritsa şəhərinin mərkəzində türk restoranına soxularaq onu yandırıblar.
Polis bıçaqlanma hadisəsində əli olmaqda şübhəli bilinən iki nəfəri, bir Türkiyə və bir Azərbaycan vətəndaşını, habelə qanuni yaşayış sənədləri olmayan digər 45 Türkiyə və Azərbaycan vətəndaşını həbs etdiyini bildirib.
Polisin yaydığı açıqlamada həbs edilənlərdən 7-ni cərimə, 8-ni isə deportasiya etdikləri bildirilib.
Türkiyənin xarici işlər naziri Hakan Fidan baş nazir Spajiç və həmkarı Ervin İbrahimoviçlə telefon danışığı aparıb. O qeyd edib ki, Ankara Monteneqro hakimiyyətindən Türkiyə vətəndaşlarının təhlükəsizliyi və hüquqlarının təmin edilməsi üçün lazımi tədbirlər görəcəyini gözləyir.
Milatoviç Türkiyə vətəndaşlarına və türk mülklərinə qarşı vəhşicəsinə hücumları pisləyib.
