“Mən Dmitri Peskovun mövzu ilə bağlı dediklərinə istinad edə bilərəm: Ukrayna bizim təşəbbüslərimizə cavab vermir, dialoqdan yayınır. Heç nə dəyişməyib”, – deyə baş diplomat TASS-ın sualına cavab olaraq qeyd edib.
Qeyd edək ki, iyulun 23-də Türkiyənin İstanbul şəhərində münaqişənin həlli üzrə Rusiya-Ukrayna danışıqlarının üçüncü raundu keçirilib. Geniş tərkibdə görüşdən əvvəl iki ölkənin nümayəndə heyətlərinin rəhbərləri Vladimir Medinski və Rustem Umerov arasında ikitərəfli görüş keçirilib. Geniş tərkibdə danışıqlar təxminən 40 dəqiqə davam edib, tərəflər memorandum layihələrində göstərdikləri mövqeləri müzakirə ediblər.
Görüşdə tərəflər hərbçilərlə yanaşı mülki şəxslərin də mübadiləsi barədə razılığa gəliblər. Rusiya Ukraynanı siyasi, hərbi və humanitar məsələləri həll etmək üçün üç onlayn işçi qrupu yaratmağa dəvət edib. Bundan əlavə, Moskva daha 3000 Ukrayna hərbçisinin cəsədini Kiyevə təhvil verməyi və yaralıların və ölənlərin toplanması üçün cəbhədə qısamüddətli humanitar pauzaların bərpasını təklif edib.
