Belçikanın müdafiə naziri Teo Frankenin özünün pilotsuz təyyarə təhlükəsi ilə bağlı başladığı kütləvi media kampaniyası fonunda hökumətə 500 milyon avro dəyərində pilotsuz təyyarə əleyhinə layihə təqdim edib.
Medialive xəbər verir ki, bu barədə DH (Derniere heure) qəzeti məlumat yayıb.
Qeyd edilib ki, 50 milyon avro dəyərində qiymətləndirilən birinci mərhələ NATO terminologiyasına görə, pilotsuz təyyarələrin əks-dron imkanlarının bütün spektrini – aşkarlama, izləmə, elektron əks tədbirlər, məhvetmə, pilotsuz uçuş aparatlarının operatorlarının monitorinqi və aşkar edilməsini əhatə edən Pilotsuz Təyyarələrə Qarşı Mübarizə Sistemləri (CUAS) imkanlarının təcili satın alınmasını tələb edir.
Bundan əlavə, layihə krallıqdakı kritik obyektlərin yaxınlığında naməlum dronların aşkarlanması ilə bağlı ölkə ordusu və polisini xəbərdar etmək üçün vahid protokolun dərhal həyata keçirilməsini tələb edir.
İkinci mərhələ ölkə daxilində dron aşkarlama sistemlərinin və bu dronların operatorlarını tapmaq üçün trianqulyasiya sistemlərinin yerləşdirilməsini nəzərdə tutur.
