Elm və Təhsil Nazirliyinin Şirvan-Salyan Regional Təhsil İdarəsinin müdir müavini Hüseyn Hüseynov vəzifəsindən azad olunub.
Medialive İqtisadiyyat.az-a istinadən xəbər verir ki, bununla bağlı müvafiq əmr imzalanıb.
Digər əmrlə o, Nazirliyin Əsaslı Tikinti və Təchizat İdarəsində Baş mütəxəssis vəzifəsinə təyin olunub.
Qeyd edək ki, H.Hüseynov aprel ayında Regional Təhsil İdarəsinə müdir müavini təyin edilmişdi. O, 2010-cu ildən təhsil sektorunda çalışır. Əvvəllər Təhsil İnstitutunda, Elm və Təhsil Nazirliyində aparıcı məsləhətçi, Məktəbəqədər və Ümumi Təhsil üzrə Dövlət Agentliyində aparıcı məsləhətçi kimi fəaliyyət göstərib.
