Filippində Funq-vonq tayfunu səbəbindən iki nəfər həyatını itirib.
Medialive.az xəbər verir ki, ilkin məlumatlara görə, Filippinə təsir edən Funq-vonq (Uvan) tayfununun yaratdığı daşqın və torpaq sürüşmələrindən iki nəfər ölüb və 1,4 milyondan çox insan təxliyə edilib.
Mülki Müdafiə İdarəsi (OCD) dünən super tayfun statusuna çatan Funq-vonqun zəiflədiyini və Cənubi Çin dənizinə doğru hərəkət etdiyini açıqlayıb.
Bəyanatda 1,4 milyondan çox insanın təhlükəsiz ərazilərə təxliyə edildiyi və şimaldakı 130-dan çox kəndin su altında qaldığı, sakinlərin isə damlarda sığındığı qeyd edilib.
Hökumətin xilasetmə və yardım işlərini sürətləndirdiyi vurğulanıb.
Meteorologiya rəsmiləri tayfunun Tayvana doğru hərəkət edəcəyinin gözlənildiyini açıqlayıblar.
Mələk
