Moskva Şəhər Məhkəməsi qətllərin təşkilində ittiham olunaraq həbs edilən milyarder İbrahim Süleymanovun barəsində həbs qətimkan tədbiri seçib.
Medialive bu barədə RİA Novosti-yə istinadən xəbər verir.
Milyarder istintaq təcridxanasından videobağlantı vasitəsilə məhkəməyə qoşulub.
Məhkəmədə Süleymanov bildirib ki, 2000-ci illərin ortalarında dələduzluqda və çirkli pulların yuyulmasında təqsirli bilinib və on ildən artıq müddətə azadlıqdan məhrum edilib. O, özünü səhmdar kimi də təqdim edib.
Məlumata görə, Süleymanov 2004-cü ildə Maliyyə Bərpası və İflas Federal Xidmətinin keçmiş rəhbəri Georgi Talın qətlində iştirakda ittiham olunub.
Qeyd edək ki, oktyabrda Moskvanın Basmannı məhkəməsi Süleymanovu iki qətlin təşkilində və bir adam öldürməyə cəhddə ittiham edərək iki ay müddətinə həbs edib. O, özünü təqsirli bilməyib.
