Sinqapur dünyada ilk aviasiya vergisini aprelin 1-dən tətbiq edir.
Medialive xarici mətbuata istinadən xəbər verir ki, aviasiya ilə bağlı karbon emissiyalarını azaltmaq üçün Sinqapur 2026-cı ildən başlayaraq dünyada bir ilk olan yaşıl yanacaq vergisi tətbiq edir.
Yeni tənzimləmə ilə Sinqapurdan yola düşən sərnişinlər bilet qiymətinə əlavə olaraq hər uçuş üçün maksimum 41,60 Sinqapur dolları (təxminən 32 ABŞ dolları) ödəyəcəklər.
Vergi məbləği uçuş məsafəsindən və səyahət sinfindən asılı olaraq dəyişəcək. Cənub-Şərqi Asiya reyslərində ekonom sinif sərnişinləri cəmi 1 SGD, ABŞ-a uçuşlarda isə əlavə 10,40 SGD ödəyəcəklər.
1 aprel 2026-cı il tarixindən etibarən satılan biletlərə şamil ediləcək vergi 1 oktyabr 2026-cı il tarixindən qüvvəyə minəcək.
Toplanan gəlir tullantı neft və kənd təsərrüfatı məhsullarından əldə edilən davamlı aviasiya yanacaqlarının (SAF) alınması üçün istifadə olunacaq.
Bu addımla Sinqapur sərnişinlərdən birbaşa yaşıl yanacaq vergisi alan ilk ölkə olacaq. Ölkə 2030-cu ilə qədər dayanıqlı yanacaq istehlakını 3-5%-ə çatdırmağı hədəfləyir.
