Taylandın sülh razılaşmasını dayandırdıqdan sonra Kamboca sərhədində baş verən qarşıdurmada 5 mülki şəxs yaralanıb.
Medialive Kambocada çıxan “Khmer Times” qəzetinə istinadən xəbər verir ki, hər iki ölkə hücumda bir-birini ittiham edib.
Kamboca hadisəni sərt şəkildə pislədiyini və hücumların sülh razılaşmasının ciddi şəkildə pozulması olduğunu vurğulayıb.
Kamboca Taylandı regionda sülh və sabitliyə təhlükə yaradan fəaliyyətlərini dərhal dayandırmağa çağırıb.
Digər tərəfdən Tayland Kamboca əsgərlərinin öz ərazisinə atəş açdığına dair məlumat aldığını və cavab olaraq xəbərdarlıq atəşi açdığını açıqlayıb.
Qeyd edək ki, mayın 28-də Tayland və Kamboca arasında sərhəd müqaviləsinin pozulmasından sonra bölgədə qısa toqquşma baş verib və iki ölkənin ordusu məsələni sülh yolu ilə həll etməyə razılaşıb.
Təxminən iki ay sonra iyulun 24-də sərhəd xəttində baş verən qarşıdurmalarda hər iki ölkədən ümumilikdə 32 nəfər həyatını itirib.
Tayland və Kamboca oktyabrın 26-da Malayziyanın paytaxtı Kuala-Lumpurda ASEAN-ın 47-ci Sammiti çərçivəsində ABŞ prezidenti Donald Trampın qatıldığı mərasimdə sülh müqaviləsi imzalayıblar.
