Almaniya hökuməti üç ay öncə İsrailə silah satışına qoyulan məhdudiyyətləri noyabrın 24-də ləğv edəcək.
Medialive xəbər verir ki, bunu Almaniya Nazirlər Kabinetinin sözçüsü Stefan Kornelius açıqlayıb.
O, məhdudiyyətlərin aradan qaldırılmasını İsrail və Fələstinin HƏMAS radikal hərəkatı arasında Qəzza zolağında əldə olunan atəşkəslə əlaqələndirib.
Kornelius qeyd edib ki, Almaniya hökuməti indi İsrailə silah ixracı ilə bağlı hər bir fərdi hadisəyə yenidən baxır və sonrakı hadisələrə cavab verəcək.
Qeyd edək ki, avqustun 8-də Almaniya kansleri Fridrix Merz bəyan edib ki, Almaniya hökuməti Qəzza zolağında istifadə oluna bilən silahların İsrailə satışına icazə verilməsini dayandırıb.
