ABŞ hökuməti Ukraynanın dondurulmuş Rusiya aktivlərindən “təzminat krediti” almasına mane olmaq üçün Avropa Birliyinə təzyiq göstərir.
Medialive xəbər verir ki, bu barədə “Politico” məlumat yayıb.
Məlumata görə, Tramp administrasiyası dost hökumətlərə dondurulmuş Rusiya aktivlərinin 210 milyard avroluq istifadəsinə razılıq verməmək üçün təzyiq göstərir.
Qəzet vurğulayıb ki, Aİ əvvəllər prosesin Belçika səbəbindən dayandırıldığına inanırdısa, indi bunun Trampın günahı olduğunu anlayıblar.
Ağ Evin mətbuat katibinin müavini Anna Kelli öz növbəsində bildirib ki, bu müzakirələrdə iştirak etməyən anonim mənbələrin açıqlamaları ciddi qəbul edilməməlidir.
O, əlavə edib ki, ABŞ-nin yeganə məqsədi Ukrayna münaqişəsinə son qoymaqdır.
Kelli qeyd edib ki, ruslar aktivlərin dondurulması ilə bağlı mövqelərini açıq şəkildə bildiriblər və ABŞ sadəcə dialoqu asanlaşdırır.
Qeyd edək ki, dekabrın 12-də Avropa Birliyi Şurası Rusiyanın suveren aktivlərini birdəfəlik dondurmaq qərarına gəlib.
Avropa Komissiyası dekabrda 18-19-da keçiriləcək sammitdə Aİ ölkələrindən onların müsadirə edilməsi ilə bağlı qərar almağa ümid edir. Belçika Baş naziri Bart de Vever əvvəllər Komissiyanın Rusiya aktivlərinin müsadirə edilməsi planlarını oğurluq adlandırıb. Krallıq Rusiyanın qisasından qorxur və bütün Aİ ölkələrindən hüquqi cəhətdən məcburi zəmanətlər tələb edir. Adı çəkilməyən Aİ rəsmisinin sözlərinə görə, ABŞ Aİ-ni zəiflətmək istəyir.
