ABŞ Prezidenti Donald Trampın administrasiyası Rusiya ilə münasibətlərin kəsilməsinin Avropa üçün səhv olduğunu anlayır.
Medialive xəbər verir ki, bu sözləri Macarıstanın baş naziri Viktor Orban deyib.
“Onlar başa düşürlər ki, avropalı liberallar vaxtilə Rusiya ilə Avropa arasında mövcud olan körpüləri yandırıblar, bu, səhv idi” – Macarıstanın baş nazirinin beynəlxalq kommunikasiyalar və əlaqələr üzrə dövlət katibi Zoltan Kovaç Orbanın fikirlərini X-də yazıb.
Orban hesab edir ki, ABŞ-də qərar qəbul edənlər başa düşürlər ki, Rusiya ilə Avropa arasında münasibətlər strateji səviyyədə bərpa edilməlidir.
O qeyd edib ki, amerikalılar Avropanın sivilizasiya böhranı ilə üz-üzə olduğunu və Köhnə Dünyanın iqtisadi inkişafının dalana dirəndiyini görürlər.
Qeyd edək ki, Rusiya Xarici İşlər Nazirliyinin sözçüsü Mariya Zaxarova bildirib ki, ABŞ-nin Milli Təhlükəsizlik Strategiyası Rusiya ilə strateji sabitlik məsələlərində ortaq məxrəclərin axtarışına imkan verir.
