Paytaxtın Nizami rayonu, Məmmədəli Şərifli küçəsində yerləşən “Bolmart” mağazası fəaliyyətini dayandırıb.
Medialive.az Globalinfo.az-a istinadən xəbər verir ki, 24 saat işləməli olan market dünən səhər saatlarından etibarən bağlıdır.
Bağlanma səbəbi ilə bağlı açıqlama verilməyib.
Qeyd edək ki, “Bolmart” supermarketlər şəbəkəsinin Azərbaycana qarşı iqtisadi təxribatda ittiham olunaraq həbs edilən SOCAR-ın İnvestisiya departamentinin sabiq rəhbər müavini Adnan Əhmədzadəyə aid olduğu iddia edilir.
